"好多答題嘅技巧同框架"

好多答題嘅技巧同框架，因為好多書本內容上面嘅嘢願意花多啲時間就會背到。但係相對考試嘅技巧答題方面係好需要人哋去教，而學校老師又好少去教導嘅嘢。 Ho Sir 令到我更加識得點樣玩尼一場遊戲。呢場遊戲，有咗入場券、有咗遊戲簡介、有晒裝備，而Ho Sir就好似嗰本遊戲攻略：教你點樣成功打怪，點樣upgrade。 自問自己本身好少補習，亦都唔太鍾意補習，真係為咗DSE希望可以Bio考更加好嘅成績所以就嘗試補。諗咗好耐到底要絲寶掙扎咗好耐到底要揀邊個補習社。 有好多出名嘅補習社，好似好有名氣，但係感覺太過大型又唔適合自己，一大班人又未必可以仔細咁照顧到。感恩最後選擇左嘅係A PLUS biology🤍 可能因為太多師兄姐講，補習係幾好攰或者好辛苦嘅事，但係Ho Sir既堂完全冇呢個問題！ Ho Sir你每一堂都會好有精神去講唔同嘅內容，就算病咗，但係上堂嘅狀態依然唔會令人覺得好頹，有時仲會分享下自己一啲嘅經歷，小小嘅叉開話題好似俾我哋頭腦清醒啲，之後再繼續聽落去。有時覺得上Ho Sir堂唔單止學到skill，更加好似比自己打氣咁，有返啲力量同埋動力繼續去讀。 雖然跟咗Ho Sir三個月，話長唔長話短唔短，但係都仲係做緊網友🙈 不過依然好想講一句「辛苦晒」！多謝你願意去保持上堂嘅狀態，又會好積極咁樣邀請我哋答你問題，好似之間有互動咁樣，又唔會厭我地答到亂七八糟，或者唔識做！ 希望完咗呢一兩個月你可以好好休息，之後再教更多更多嘅學生，令佢哋可以一齊對Bio充滿興趣！知道Bio有幾好玩👅 Thank you so much~ Ho Sir

"好有啟發性"

用有趣嘅方式去記唔同嘅process/cycle。講左好多exam trap同bio formula。 Feel到好有heart去教bio，亦都好有啟發性，thanks

"背書formula令到d野易背左好多"

最喜歡課程的kahoot Quiz。清左好多misconception同埋past paper唔明既地方 仲有d背書formula令到d野易背左好多。 希望越做越好 加油！

"好多Biology以外嘅嘢教到我"

Ho Sir有好多Biology以外嘅嘢教到我(e.g. 分享自己人生經驗)。等我可以keep住温番自己學過嘅課題 有方法可以令我答題更準備(知道要答咩) 希望Ho Sir你上堂嗰陣可以更加有正能量，講嘢嗰陣可以輕鬆/輕快啲 :D。Ho Sir你唔係啲咩補習名師，但係我鐘意你嘅恆心和盡力，如果你未來好成功，千其唔好忘記宜家嘅歴程。我好佩服你，對於社會嚟講你係一個好年輕嘅人，但可以有咁多體會，咁多啟發人嘅反思 :0。我自己係一個好懶嘅人，大難臨頭都唔知驚，令到最近考試好似一直出唔到成果。但喺我會盡力考好最後個試，雖然考試唔係為任何人，而係為自己，但你希望我哋會盡力，所以我最後一定要做到。而我都希望你可以盡力咁去做你做嘅嘢。

"答題技巧超有用"

答題技巧超有用,可以知道邊d常考，少考。每課都有故事聽。 有時候會有Ho Sir嘅經歷輔佐教書，感覺上無咁悶，有趣啲。會推薦比師弟妹的，因為課程內容真係幾有用，會幫到考試。

"最喜歡課程有唔同的skill"

最喜歡課程有唔同的skill，做題目無咁容易miss point，同埋筆記封面好好睇，內容都好清晰，溫書方便啲。 感謝一年嚟嘅教導，本身quit咗私補，又唔想補大型補習社先嚟試下，最後補到而家。平時唔係好敢答問題，讀bio真係好無信心，越讀越焦慮，跟住答出嚟又成日錯，辛苦你呢幾個月對住我個呆滯樣，應該都幾煩😂，同埋多謝你之前叫我去參加活動，其實幾驚訝，無諗過補習老師會關心學生😂。最後，好佩服你成日試新嘢，聽到你話去外國讀書，都想講番聲十卜同加油💪🏿

"有答題skills"

得意 清concept好 有答題skills, 對bio更有興趣